Nnang nawn shing n rai earthquake

27.9.2008

Nbwisam langai yup mang tsawm tsawm hte yup pyaw nna rawt sms shang ai majaw rawt wa ai. Jahkring sha naw rai shi yang, ashun sai lo... ashun ai lo ... nu wei ..

4 lang kun? 5 lang kun? ashun ngut nna hkring mat ai. Rau nga ai manang gaw foxnews yu nga let, kajawng taw ai. Huu... praise the Lord.

N zim shi ai. Bai ashun ai. 4 lang. Nga ai nta gaw htap 4 kaw re.
Ya she nta npu de lagat yu mat wa na zawn, hpa she n chye hta jum mat ai.

Dai ashun ngut ai hpang gaw myit yu ai. Anhte ni mung shingra tara tsinyam hte seng nna hkaja da ra sai ngu sawn hkrup ai. Ya yawng na sai hte maren, Myitkyina de du hkra nan nnang nawn ai gaw htep wa sai.

Hka madim galaw nga ai majaw, hka mawru byin wa yang gara hku galaw na, hpa ni lajin da ra na lam ni hpe sharin hkaja ra sai.

Galaw gaw galaw ngut nna madu n chye ai ngu n mai tsun sai. Kran ai ni gaw kran ngut sai. Htu ai ni gaw htu ngut sai. Anhte n galaw ai lo. Anhte n lawm ai lo ngu na n mai marawn taw sai.

Anhte Buga madu ni ma galaw tim, n galaw tim, byin wa ai yawng hpe hkam sha ra na gaw anhte she re. Myit htum myit daw ai lam ni n rai ai sha, shawng de myiman yawng nna madu a kashu kasha ni prat hta mai kaja ai grupyin jaw da ya lu hkra shakut ga.

A ga, mungga zawn zawn, shiga zawn zawn rai mat sai. E le... loi myit yu na matu le.

Buga shakawn mahkawn ni hpe madat na n mai yup taw sai. Dai Buga shakawn mahkawn zawn byin tai hkra anhkau ni shakut yang she ngu nna ... ... aw chye anhkri ni ma lawm ai yaw ...

Gara hku shakut ra na ngu gaw hkum san nu yaw. Anhkau ni beer lu ai zawn shakut ai hta grau grau nna shakut ra na re.

KNG n mai hpaw taw ai.

26.9.2008

De,

Manang ni,

KNG n mai hpaw taw nga ai le. Kade na tim n pru wa ai. Gara hku byin ai ta?
Naw she tsun dan yu marit, chye yang ...

KNG website wa hkring mat sai kun? Gara hku ta? Jinghpaw shiga website nau n law ai she ngu yang ...

Typhoon shang, marang htu, computer n mai lang ...

25.9.2008

Keyboard n kaja na gram da ai computer ngut sai nga ai majaw kabu gara sa la sai. N myit mada ai sha, OS gaw bungli n galaw mat ai.

Product key hpyi chyu hpyi taw ai. A ga ... dai jak mung n chye na dik ai... Ngai pyi $ n lu shi na manang wa a Vista Home Basic bang da ai ngu yang she ... atik anang ... :(

Shinggan pru na loi se hkawm na re ngu yang she, nbung bung ai loi ja wa na, marang htu sai gaw e ... Mawdaw lam ting, hka ni hte hpring mat ai.

Rau nga ai manang wa gaw ... Oh God! The road is flooding... flooding ... ngu na marawn let shinggan pru na masing masa hpe dawm kau nhtawm ....
Ushan, yangyi, majap katsing kaba law, shakau hkyeng, jum, sau ni hte shana shat hpe mu mu mai mai shadu sha na abung alang re ai masha lahkawng yen kan sha masawp let, 2nd Avenue yu dat, FOX news yu dat, Jack yu dat, ga shaga dat, Obama hte Maccain hpe shatan dat re nga taw ai gaw mi yet du hkra re.

Hkying 10 du mahka gaw hkum kaw na gaya gayoi nga wa na, mawdaw lam nmaw de hka yawm wa sai majaw ma ... internet seng de lagat nna sa wa ai re. Ya gaw ... mu ai hte maren, aw chye ... hti taw ai hte maren ... Hkau Shanglawt wa blog kaw na Pawn Naw Awn a mahkawn ni madat let Wunpawng Fighter (Hkau Shanghtin a ga shap lang dat sai.) ni a blog shagu de sa chyai taw ai re. Kadai n saw shaga tim!

Adaw achyen nga da ai laika ngau ni mung yawng computer kata kaw re majaw ya aten hta n lu mara shi ai. Jinghpaw wunpawng ramma lam ni, Jinghpaw num hte la lam ni, blog lam ni ma grai bawngban mayu ai.

N myit mada ai sha, Singapore Lee Kwan Yu Policy jawng kaw lung nga ai shadang sha langai hte shaga byin ai. Shi tsun na she, Meritocracy ngu ai gasi hte hkau mat ai. Dai hpe myit lawm na loi tam hti yu yang ...
kadun daw gaw ... ningtawn ai wa hpe shawa kaw na shakawn nna aya jaw da ai lam ngu ga gale ra na kun n chye sai. Wiki kaw na hti mayu yang gaw ndai kaw Link

Kan mung bai kaw si wa sai. Daina na shana shat jau jau sha da na. Hkying 6 pyi n rai shi yang sha da ai le.

A ga ga ... Blog ai mung gumhpraw grai ma ra ai she rai nga  ai ...

ARA!!!

24.9.2008

Chye ai hte maren ... aw gara kaw na chye na ma i?

Nbwisam gaw loi shinglet galu ai re. Loi chye na ya marit.

Hkau Shanglawt a blog hta ndau da sai re. Raitim, shi tsun ai hte maren bai ndau shabra ya sai.

Gai gai, tsun taw yang na ai. Dip dat sa nu.

www.kachindictionary.com

Yawng jawm shakut ga.

Sara kaba Rev. Dr. Ola Hanson galaw da ya ai gaw Jinghpaw laika chyum laika ... nga ai hte maren !!!

Ya yu mu le, ndai nbwisam shinglet grai galu ai ngu sai.

Tara kasa Nangzing La a laika buk

23.9.2009

Laika buk

Tara kasa Nangzing La ka da ai laika buk hpe KTG ni ndau da ai.
Sara Nangzing La a hkyuk htawng kata na mahkrun madup ni hpe ka da ai laika re ngu KTG kawn chye lu ai.

Ngai mung bai ndau na.

Ndai kaw mai mari ai re. Ngai chyawm credit card mung n lu ai majaw n lu mari shi ai. Kumhpa jaw yang gaw kabu gara hkap la na re lam ma ndau dat ai.

Jinghpaw Num hte Jinghpaw La ... Daw lahkawng

23.9.2009

Ndai laika hte seng nna, Jinghpaw La, Jinghpaw num, mahtai tam ngu ai gabaw masum hte ka na.

Jinghpaw La

Jinghpaw la ni maka nan n kap ai.
Jinghapw la ni kani ya, tsa ya grai law ai.
Jinghpaw la ni grai lagawn ai.
Jinghapw la ni ...
Jinghpaw la ni ...
Jinghpaw la ni ...
Jinghpaw la ni n chye tsawra ai.

Hpa majaw ndai ga ni ngai na taw ai kun?
Daini byin nga ai masa hta hkan na ndai ga ni pru wa ai ngu sawn la ai.

Jinghpaw mung a sinpraw sinna de hkawm sa yu ai shaloi Jinghpaw num ni gaw lahta na nsen ni grai tsun pru wa ai. Grau nna gaw Jinghpaw mung a sinpraw hkran de re. Tsun ai ga hpe madat yu yang, Jinghpaw la ni gaw tara maigan amyu sha ni zawn magam bungli langai hpe mangan nga hkra n galaw ai.

Bungli loi galaw ngut jang hkring sa la ai aten grau law ai. Dai hta tsa chyaru hte len ai. Grau sawng ai ni gaw ka-ni, ya hpyen ni hte madu hkum madu jahten nga ai. (Ya hpyen = Miwa ga rai ang ai. Namhpam tsi langai re. Sub-state na ramma ni grai lang ai.)

Mau hpa ngu gaw n kam tsun ai. Hkrit tsang hpa langai gaw sinpraw hkran de hkawm sa ai aten hta, shayi sha nkau gaw Miwa la kaw she wa na ngu tsun ai law ai. Myen la ni, Sam la ni kaw wa ai ma nga ai. Ndai lam hte seng nna gaw ningmu grai law na re. Gashadawn, shinggyim masha re majaw madu a prat shimlam hpe myit mada ai. Tsawra myit ai majaw. Ni htep ai majaw. Majaw a majaw grai law na re.

Sinna hkran de sa yu ai shaloi gaw, Jinghpaw num ni ma Jinghpaw la ni hta n shayawm ai sha amu galaw nga ai hpe mu lu ai. Maigan amyu nau n nga ai majaw shada da mayaw htinggaw de ai sha law ai. Ya hpang de gaw myen ni hte htinggaw de ai ma law wa nga ai.

Jinghpaw mung a gara jut kaw na Jinghpaw la rai rai ... myutsaw myit n rawng ai n nga ai. Kadai tim amyu hpe tsaw ma ai. Dai wa me, hpa majaw anhte ni wa hkrat sum ai maga de, grau yawm ai maga de myiman yawng wa a ta?

Anhte a myutsaw myit, anhte chye na hkap la nna hkan shatup nga ai myutsaw myit wa shut nga sai kun? Langai hte langai chye na ai myutsaw myit gaw n bung hkat na re. Ngai chye na ai myutsaw myit gaw ...

Myutsaw myit rawng ai wa gaw madu hkum madu hpe ma tsaw ra ai. Hpa majaw nga yang madu nan mung Jinghpaw amyu rai taw ai le. Myutsaw myit rawng ai wa gaw madu a amyu hkrat sum na de man yawng let hkaraw de n ganawng bang ai. Myutsaw myit rawng ai wa gaw amyu hpe pawn ba na matu myit ai. Myutsaw myit rawng ai wa gaw madu hpa re, madu amyu hpa re ngu ai hpe galoi n malap ai.

Madu hkum madu n tsawra ai sha ka-ni, namhpam hte jahten sharun kau ai majaw Jinghpaw amyu ting hpe jahten ai hte bung ai. Dai zawn jahten ai Jinghpaw la law wa yang Jinghpaw amyu ting mat mat ai kaw kre na re.

Jinghpaw la ni lagawn ai i? Shinggyim masha re majaw lagawn ai ni gaw lagawn na, zet tsang ai ni gaw grai zet tsang ai ngu mu ai.

Jinghpaw la ni n chye tsawra ai i? Ngai mung dai gaw n chye ai. Chye chyang ai ni nga yang htai ya marit.

Jinghpaw la ni nkau gaw htenza nga ai. Nkau gaw shakut nga ai. Amyu ting a shawng lam hpe dawdan ya na mabyin hta Jinghpaw la ni gara hku shang lawm nga ai kun? Ndai gasan hpe shayi sha ni na mahtai ra ai.

Bai matut na ...
Ndai laika gaw hkum tsup ai n rai ... myit yu sawn yu na loi li pru wa na matu ...

Ndau laika

Daina de laika bai matut ka na ngu she, n myit mada ai magam bungli le wa na n ka byin sai.

Hpawtde she matut ka sa na re.

Jinghpaw Num hte Jinghpaw La ... Daw Langai

23.9.2008

Nanhte Jinghpaw la ni hpa lu galaw ya ai ma?

Jinghpaw num ni hpe lu makawp maga ya ai i?

Ya ngai hpe Jinghpaw la ni n ra nga ai gaw!!! Ngai hpe tsawra ai maigan wa de she wa na rai nga le ...


Manang langai hte shaga ai shaloi shi tsun wa ai ga.
Shi hte shaga ngut ai hpang ningmu ni ... sumpum sumpam ...

Bai matut na ...
Daina jang bai ka matut na re ...

Blog hte seng nna ...

21.9.2008

Blog kaw na mahkawn ni hte gadget nkau hpe ndai laman mu lu na n re.

Blog ka ai lam hte dingbai dingna byin taw ai. Email a ga makoi mung galai ra sam sai.

Beer n bri tim, myit bri nga sai.

Mana, pizza sa sha ai. Nye a Jinghpaw n-gup hte n htuk ai. Dai hta, hkau Shanglawt gaw shi shadu, shi sha kau na ngam ai hpe she sumla sha madun let sha ga ngu shaga da ai majaw pawt ai. Raitim, shiga ni gaw lawan lawan mara ya rit yaw ... Loi hpang gara wa re nga ai ...

Ya, kan kaw kru kru (kyu kyu) she ngoi kadu taw ai gaw sumtsan de na tsawra nja pyi na mat ai majaw nga hkwi sa na hkyen taw sai. E, hkawn ... hkawn hkum galaw le. .. Brang galaw na rai nga ... Gu Awng hkwi ya na. Wan wut na shadu na la taw u ngu .. tsun mayu tim, tsaw nja gaw bai n nga ...

Mana shangai nhtoi ladu hkrum ai Hkau Jinghpaw Buga gaw Udi Chyangmaja da. Mayu majing re yaw ... Hkungga nngai. Mayu ni hpe hkungga nngai. (Chye sa nu yaw ...)

Tatut mung hkau shanglawt shadu ai nga kapung sha na kan tit na yup taw ai kun? Sumtsaw laika nnan ... aw chye ... post nnan mung n ka shi nga ai.

Yup bak mara ni chyu galaw taw na, Lashu shayi a nta sa na laika hti yang grai myit malai lu ai zawn, shawng de rawt sa na n-gun ni ma grai lu ai. Mungga shagu hpe n lu hkan shatup shi ai hpe gaya kahpa hkam la nngai.

Kalang mung n mani dan tim, mying mying gaw Sumsai shayi da. Mani hpa ni gaw shakut tsun tim, ngai n mani ya ai gaw ... hun ... shi blog sumla galai kau na pawt ai. Moi na Jinghpaw maka hte kade tsawm ai. Raitim le,
i ?

Nkau shayi sha ni gaw tsun ai. Grai n ju ai da. A bung a lang san na gaw ... ga shaga ai grai si mani ai nga nna pawt ai. Yu dat yang gaw loi gaw masan sa ai myiman hte n-gun ja na hkahku masha zawn san nga ai. Shi a mying Shanghtin re hpe ngai kadai hpe n tsun ai. Kaja wa. Nang beer jar 3 sha jaw lu dat u.

Laika n mai mara ai nga nna myitru nga ai Hkau Naw hpe ma dum nga ai. Myit gaw hkum daw le. Ngai mung hkrum ga ai. Dai majaw 2006 ning tup hpa n lu ka mat ai. (Internet n lu lang ai ngu gaw n tsun sai yaw ... :P)

Shanhte kaw mung laru ru ai lam tsun dan ai hta n-ga hpaji lam hte hparat lam ni hpe madun ya nga ai NZ ni hpe mung, matut nna hpaji jaw rit ngu garum hpyi mayu ai. Kawa masat nhtoi laika hpe hti na ningmu nnan lu ai.

Kalang marang sha du byin ai. Ningmu ni hpe hkrak ai ngu mu ai. Laika nau n ka ai hpe mu ai. Hpaji hte seng na chye ging ai ni hpe ma madun da ya ai. Gara hku shaga ra na kun n chye. Sa wa rit ngu shaga ai hpan gaw n rai. Apprenticeship!

Nga chyu hte lagat jahku lwi ai mungdan kaw gaw n nga tim, lagat zawn amu law taw ang ai Jinghpaw lagat mung Beijing kaw na hkap tau ai nga na gaw hpahka pyi n jaw lu ai. Mye re mat mat ai.

Mahkawn ni madat let, hkahku de shingran taw ai gara kaw na re ai n chye ai myit su (snr) myit n su wa hpe mung n mu ai na sai. Ihteng ni hpe mung adum u oi... Hkri tawng ni hte kabung dum nga ai kun Tsa Awng e....

Labau a lam hpe tsun dan ai. Ngai shata mi jan ting lam hkawm let du gawan da ga ai, Hugawng Pa.
Marit dik ai oi... Shingran dik ai oi ... Sai daw sai chyen ni e ...

Sa myitru lawm na ngu yang she ... nta chyinghka galoi mung pat da ai Simsa Brang wa mung ... kawk kawk kawk!!! chyinghka hpaw, sumtsaw jep dap na lithkam ni du ai.

Shi a hkrunlam hpe matut manoi madun mat wa na MPA mung ma kasha ni hpe grai tsawra chye ai nga shiga na ai. Anhte brang brang ni hpe gaw taw???

Amu kyin taw ai majaw Cape Town na sumla ni mara ya rit ngu ai pyi n lu mara ya shi ai, mau hpa Africa mungdan kaw na Zaiwa Zami. Rawt nu. Blog ka nu. Na a aten du ra ai.

Hkausoi wa mi n jaw sha tim, ndai shara de ma shani shagu ram sa du ai. Jinghpaw shiga, Jinghpaw daini Amerika, Bumsumshi hkanu latsa din rai tim ...

Blog ma n ka shi tim, myi dam na rai rai, kam ti na rai rai, sa gawan ai ni yawng hpe mung chyeju kaba sai. Hkau Shanglawt shadu da ai nga kapung sha nna she madu a nta de wa ga. Nga kapung gaw shi nta kaw jaw sha nga ai. Nbwisam $ n lu ayai shi na Beer n daw dat sai yaw ...

Ra rawng ai ni nga yang ma Nbwisam a mara rai sai.

Ngwi Pyaw Nga U Ga.

Ah Ba Di

20.9.2008

Gawdin hte Salum
Ah Ba Di na mahkawn langai ngam da na, dai bai mara dat ai.

Mying hpe gaw htuk manu ai hku, gawdin hte salum ngu ka da ai. N chye ai majaw ...

Madat nna katut sha, aw chye,.. hkam sha mayu yang blog htumpa maga de sa dip na madat rit ...

Bunghku ni run sa na kun?

20.9.2008

Ndai laika n hti shi yang ... hkra maga na RFA Jinghpaw nsen hpe dip na madat let hti u. Laksan lamang hpe madat shangun mayu ai.

September 15 ya shani na RFA Jinghpaw nsen hpe madat ngut ai hpang myit sawn hpa grai law ngam da ai. Dai hta laksan lamang kaw Shayi Nu Pan hte Nogmung kaw na salang langai san htai galaw da ai.

Dai salang wa gaw Nogmung kaw sha nga ai kun? Laga mare hkan mung nga ai kun gaw n chye ai.
Dai salang wa shaga ai hpe madat yu yang, a ga hpan masum lawm ai hpe mu lu ai. Jinghpaw ga, English ga, Myen ga ni re.

Dai hte seng nna ngai na ningmu gaw ... Anhte mungdan a jut shara shagu myen ga hpe grai lang wa ai. English ga ka-up ai gaw ngu sa ga.

Myen n raitim, Jinghpaw ga n kam shaga ai majaw myen ga hpe lapran ga hku na lang ai. Shani shagu shaga ai majaw akyang lawm mat ai ngu sawn la ai. Hpa majaw nga yang shaga ai nsen ni hpe madat yu yang Jinghpaw gasi mai lang ai raitim, myen ga hpe sha lang mat ai.

Ndai hku ka ai majaw nbwisam gaw ga shaga yang laga amyu ga n lawm ai i? ngu san na. Lawm ai. Grai nan lawm lai wa sai.Raitim, madu amyu shada shaga ai hta gaw tinang a ga hte sha shaga byin hkra shaman ai. Maigan wa hte shaga yang gaw shi chye na na ga hte matut mahkai ai.

Madu amyu shada da matut mahkai ai ga gaw, tinang a aga n rai taw yang ??? Anhte a aga a shang lam hpe myit tsang ai. Shani shagu media hkan, TV ni, mu n-mu, na n-na yawng gaw tara maigan wa ai laika ni, ga ni chyu rai taw ai mung Jinghpaw ga hte laika hpe hkaraw de ganawng bang nga ai.

Maigan amyu ga kade ma lu shaga tim, Jinghpaw shada da gaw madu a aga hte shaga hkat yang grau kaja ai ngu mu ai. Ndum shami re majaw, chyan yu ai kaw kadawng bang ai mabyin hta lawm mat sa na kun? English ga nau shaga ai majaw mat wa ai African ga nkau zawn anhte ma lawm sa na kun?

English ga pyi nau tsan re nga ai. Kalang mi hti ga ai laika kaw na, Myenhpaw, Jinglish ni shaga ai galaw shale ya ai grupyin tai wa ai.

Lam shagu kaw na gamyep nga ai n-gun kya ngu na i? Samwi n-gun ngu na i? Soft power hpe le ... Gai, ya ngai mung dai hpe Jinghpaw hku n chye sai. Gara hku gyin shalat la na kun? Ngu sa ga, dai samwi n-gun gaw aten tup anhte hpe adawt nga ai.

Madu a aga hte laili laika hpe tut grin hkra, n nga shi ai laika si ni, mying ni grin shalat ai n rai ai sha maigan wa a ga hpe chyu hkan shaga lawm taw yang gaw Jinghpaw laika hte ga hpe lup na matu nawng nang wunpawng lupdin lupra kaw lamu ga shara tau la da ra sai.

Bunghku ni run sa na kun?
Bunghku nnan bai gawgap lu na kun?

Bunghku =  Wall (Great Wall zawn re mungdan hpe makawp ai shakum kaba hpe tsun ai.)
Anhte shada laika si ni a lachyum n chye na yang san hkat ga.

Wanglu wanglang brang brang lang lang ningmu shai hkat mai ai. Bawngban mayu ai. Comment jaw da ya rit. Myit lawm yang ...

Ndai laika gaw hkum tsup ai n rai... Laika ka ai wa a n law n la re ai bawnu hte makan da ai.

EEDY a Website

17.9.2008

Nu wa ji nban ni e ... ngu gaw n re sha ...

Daini sha, tsun ga nag yang ya jang sha ... katsing hprap hprap chye dat ai link re.

Chye ai ni ma gaw chye sai. N chye shi ai ni a matu yaw shada ai ...

Jinghpaw Wunpawng Ramma ni a matu galaw ai programme langai re.

Dai gaw EEDY ngu ai programme a website re.

Hkringdat gaw ... http://www.eedyonline.org/ re.

Gai gai gai ... ya jang dip nna yu mada dat sa ga law ...

Ah Ba Di (RAM)

17.9.2008

Ah Ba Di (RAM) a mahkawn ni mara dat ai. Ndai mahkawn ni hpe sa ya ai MPA hpe chyeju dum ai lam tsun mayu ai.

Mahkawn gabaw ni hpe gaw n chye ai majaw madat yu na... tak na ka bang da ai re.
Shut ai rai yang gaw nbwisam a mara re.

Ngut nna mahkawn madu ni hpe ma ahkang n hpyi shi ai. Chye na ya rit. Sut masa galaw ai n re sha, sumtsan ga na myu sha ni madat lu na matu re majaw ...

RAM kaw gaw marai lahkawng mahkawn ai re. Wawhkyung hte Ah Ba Di re. Ndai kaw gaw Ah Ba Di sha rai sam ai. Ngai ma tup hkrak n chye ai. Manang sa ya ai hpe upload galaw na mara dat ai.

Shanhte a shawng nnan album kaw na ra ai re. Madat yu ga. Blog a htum pa de re.

Blog shachyen

16.9.2008

Gai gai ... Bai ndau dat yu ga ...
Mare salang ni hkum sai i?

Blog langai bai shachyen na ...

Ngaw Zaiwa Zami

Comment kaw ka let, n-gun jaw ya marit ... Kahti gari sha naw rai nga ai Jinghpaw Wunpawng Blogger ni hpe n-gun jaw marit ... Gumhpraw gaw n jaw ra ai law ...

Beer jaw lu yang ram sai ... :)

Baguio, Northern Philippines

16.9.2008

Baguio ngu ai Northern Philippines de sa chyai ai shaloi na nampan sumla nkau ...
Bum kaw nan mare de da ai re ... Nlung bum kaba ni ma nga ai. Jinghpaw hte grai bung ai masha ni, maka ni, htung ni ma mu wa ai. Raitim, camera hpe manang shap mat ai majaw ahkyak ai sumla ni n lu dem dat ai.

Katsi ai shara re majaw masha ni grai sa mayu ma ai. Grau nna Korea ni grai law ai.

Sumla nkau mi mara dat ai ... Shadang sha raitim, salum hte re le ... i?
Nu mung nampan hkai ai grai myit lawm ai majaw ...

Nampan ni gaw mau hpa gaw hpa nau n nga ai law ... Jinghpaw mung kaw nga ai hkrai re ai majaw ... Sumla dem hpaji nau n chye shi ai hte wuhpung hte lam hkawm let dem ai re majaw sumla ni gaw grai hkrak na n re.

Mau ai gaw ndai langai sha law ... Kalang ma n mu ga na.

Jinghpaw Wunpawng Ramma hte grupyin ...

15.9.2008

Laban shana kaw na jahta ai wa ... ya bat langai ya jahpawt hkying 5 AM du hkra n htum shi ai. Raitim, hkring nna yup ai yup, blog ai blog sa ga ngu na jahkring dat sai ... Gap hkat ai n re ... Jahta bawngban ai ...

Jahta ai manang ni gaw ... 1. Mashaw kasha (Hkau ngu ga le ... shi kana grai tsawm myit su kangka ai), 2. Labang kasha (Hpu ba ngu ga le)...

Madung jahta byin ai gaw Jinghpaw Wunpawng Ramma ni a grupyin re ... Ramma ni a grupyin hta hpaji sharin na, hkaja na, katsi la hpa ni nga ai lu su ai, lauban ai grupyin nga ra ai nga nna laika ka saranum Ju ka da ai hti ga ai. Grai nan myit hkrum ai ...

Ndai ga baw hpe lakap nna  ...

1. Jinghpaw Wunpawng Ramma hte grupyin

2. Jinghpaw Wunpawng Ramma hte nawku hpung

3. Jinghpaw Wunpawng Ramma hte daini na masa ... ngu ai ni hpe bawngban mayu ai.

Dai n ka shi yang nhtang de bai yu ai (overview) ngu ga le ...

Ningmu ni ... Nsen ni ...
Jinghpaw Wunpawng ramma ni htenza nga ai ... Kani ya 4 ya tai nga ai ... bungli n galaw ma ai ... dakkasu jawngma ni yawng daram kani ya tai ma sai ... Maigan pru ma na ramma n nga sai lo ... kasha lu tim akyu n rawng ai ... hpaji n shakut ai ... nau wam ai ... lagawn ai ... ... ... hpa nya nga nna grai na ai ...

Rai sai ... Ramma ni byin taw nga ai ni ma nga na ... Raitim, ningmu hte nsen malawng gaw yawng yawng wa rai wa sai zawn marawn taw ai ...

Marawn sha marawn nna hparan na ... mai kaja ai de yawng na matu galaw shakut nga ai ni nga ai kun?
Hpa mung n marawn nna jut shara mi kaw na shakut shaja nga ai ni gaw n nga ai kun?

Gai, nang ngai rai yang gara hku ningmu nga ai kun? Gara hku shanglawm na kun? Gara zawn hpaji jaw na kun? Tsan tsan kaw na she nga sa na kun?

Ndai lam ni hpe jahta na re. Mahkoi wa myi dam na du wa ai myitsu ni hte, myit n su ai ni na comment ma ra nga ai. Jahta mayu ai kun? Madu a blog hta ka tim mai ai.

Nbwisam ka da ai ma, myit da ai ma nga ai. Atsawm naw bai hti na she ...
1.
2.
3.
hpe mara na re.

Na lahpa ntsa hta nang n mu lu ai lit nga taw ai. Hkap la ai kun?
Ngwi Pyaw Nga U Ga.

Baguio sumla ni ...

11.9.2008

Baguio kaw na sumla ni ...

                                     

Baguio City Hall 

Baguio kaw na Catheral kaba

                                     

Samwi ni ka-up nga ai mare ...

                                      

Hpun tawk ai hta grai ningtawn ai Filipino ni ...

                                       

Hkyen hpe ma grai chye tawk nga ma ai ...

                                     

Tawk shatsawm ngut sai hkyen tawng sumla ni ...

Sumla ni shawng mara dat ai ... Laika hpe gaw angwi she ka sa na. Net cafe na connection gaw loi lanyen ai hte aten na na lang yang $ grai ma na tsang na re ...

Ngwi Pyaw Nga U Ga.

Buhkawm brang ngai ... Hkawm na ten du sai ...

10.9.2008

101 lang post hta 101 lang sumtsaw ga tsun na gaw n re ... Philippines a dingdung maga de nga ai Baguio ngu ai mare de sa chyai na re...

Dai mare gaw grai katsi ai re da.

Hkrun lam hkawm ai grai myit lawm ai masha re majaw gaw hkawm tik tik rai sai lo... Woi hkawm ai masha she nga dingsa gaw ...

Mung masa hte sumtsaw masa hta sha masha ni woi hkawm ai hku n hkawm ai re ... (Ga shajan)

Sumla ni dem wa na re... Dai sha nga ai gaw .. Canon EOS 450D ra ai law ... $ wa gara kaw na hkrat wa na kun? Nu na bunghkum npu kaw gaw n nga na re.

Chye ... hkai n ra goi ..ihteng ni SONY camera kaji lu nga a hkoi...  (Hugawng ga.. loi gaw shut na.. nsen hpe gayaw na hti u)

Myit su ni hte myit n su ai ni ma rau yang law law wam hkawm ga. Beer ni, tsa ni ngu ai gaw loi n kaja ai re. Hkrun lam hkawm tim, n dam mat ai sha Buga de gaw bai wa ga. Myit lawm yang le ...

Aw ... Buga e ... Mungdan e ...

Nbwisam a Post 100 hpring

9.9.2008

100
Ndai blog hpe galaw hpang ai gaw 2005 ning November hta ka hpang ai re. Yangung mare kaw re. Ka da ai lam gaw kade a kasha, hte kade a kahpu ngu ka da ai re. Raitim, dai hku ka da ai marang e, tsawm htap myitsu ai kanau nga ai chye nna kahkau daw mayu ai ni grai law wa na mung tsang na ... nnan bai edit galaw dat sai ... Hti mayu yang Blog achive kaw na 2005 kaw na hti ga.

Ngut ai hpang gaw Internet ngu ai hpe nja n hpra shakram nhtawm ngai tsawra ai buga de wa mat sai.

Ndai post gaw nbwisam a 100 hpring ai post re. Ndai post hta hpa ka na kun ngu myit ai wa 2 ya ting rai mat ai. Ndai blog de myi dam na ma rai rai, ang na ma rai rai du sa ai myitsu ni hte myit n su ni a aten hpe ma akyu rawng shangun mayu dik ai. Raitim, nbwisam gaw hpa n re ai majaw ja ji gaw tam shakut sawk na akyu rawng na ni ka na myit ndai...

Nbwisam a post 100 hpring ai masat Jaw Bum hpe dum ai laika ka na re.

Jaw Masat

Myitkyina mare hte deng shi tsan ai Nawng Nang hta Jinghpaw Wunpawng amyu sha ni Jaw Poi hpe hkik hkam awnd dang ai hte galaw lai wa sai ...

Dai hta Jaw Langchyi gawgap da ai Jaw Bum hpe Bum jazai kaw na san seng ai hte sa ra shara tai hkra galaw shakut wa sai re.
Dai zawn shakut wa ai gaw dai aten na Ramma ni re. Buga shara shagu na ramma ni sa du nna galaw wa ai.

Magam bungli langai ngai (snr) mai kaja ai amu galaw yang gara mung n loi ai. Dai hte maren Jaw Bum hpe galaw wa na shaloi masha kaba ni gaw n mai byin ai. Byin na n re. Dai zawn amyu myu myit n hkrum ai hte, n kam ai, n hkraw ai ni nga lai wa sai ...

Raitim, dai aten na Ramma ni gaw byin ai. Byin hkra galaw na nga ai myit hte galaw hpang wa sai. Bum jazai kaw na tsawm htap hkra galaw wa sai re. Tatut amu galaw wa ai Sarama Dashi Hkawn Tsin gaw dai aten na Ramma hte masha kaba ni a ningdang ai lam ni, Ramma ni a htingnut ai lam n nga .. shakut shaja wa ai lam ni hpe tsun lahta na zawn tsun dan ai. Shi tsun dan ai aten hta shi myiman gaw htaw ... lai sai 1977 de bai du mat ai zawn ... garen gari nsam hte tsun dan let ... ya aten na nanhte Ramma ni mung grai shakut ra ai lam ni hpe n-gun jaw ai. (2007, November ... Hugawng pa de hpaji myit sharawt campaign n rawt shi ai shaloi)

Jaw Bum ngu yang malawng gaw du ga na re. N du ga shi ai ni hpe ma sa du yu marit ...

Ndai zawn dai aten na Ramma ni galaw shakut da ai marang e ... ya aten na Ramma ni gaw akyu lu hkam sha nga sai re. N-gun awai hpawng ni, hkring sa na matu, manaw manang ni hte sa chyai na matu, akyu hpyi na matu, Myitkyina ting hpe yu na matu ... bungshi katsi chyu na matu ...

Jaw Bum de nang du yang, bum a sinpraw maga de htap kru nga ai Jaw Langchyi hpe mu na re. Dai de lung mat wa yang tsaw dik ai htap kaw na Myitkyina pa hpe mu lu na re. Dai hte maren ... Jaw Bum Wunpawng Lupding Lupra hta e, wundoi mat wa sai kaji kawoi, sara kaba ni hte amyu sha ni a lup ni hpe ma mu lu na re.

Bum a sinna de gaw Akyu hpyi gawk ni nga ai re. Grai simsa ai re.

Bum a lapran kaw gaw Jinghpaw Wunpawng amyu sha ni a matu grai ahkyak ai labau, KBC, MBC hta n-ga Mungkan ting gara mat ai 3 ning 300 sasana (3/300) hta shang lawm ap nawng lai wa sai shayi shadang sha ni a mying ni hpe tawk ka da ai wut shadaw nga ai. Dai wut shadaw a ntsa kaw nli gat hkai taw ai sumla tawk da ai.

Lakap nna dai 3/300 hpe loi tsun mayu ai. Dai 3 ning 300 gaw Jinghpaw Wunpawng amyu sha ni hpe grai galai shai shangun ai re. Si mat sai masha hpe ma akyu hpyi let bai hkrung shangun ai.(Sub-State kaw re. Mare ga n matsing sai. Kutkai grupyin rai kun?) Dai 3 ning 300 labau laika buk hti ai shaloi gaw nshung si pyi rawng rawng she nga ai ... Du na shaning hkan gaw PDF file hku nna lu hkra galaw na re.

Dai Jaw Bum byin tai hkra galaw shakut wa ai Ramma ni gaw ya aten hta sakkung ni de gale wa sai. Yawn dik gaw 30 ning jan ... 40 ning ram du wa ma sai.

Myitsu ai, Myit n su ai Ramma manang ni e... anhte ma n lu sha tim, namsi hkai ga. Tsun mayu ai lachyum gaw anhte si mat yang hpa mung n lu la mat ai .... raitim, htawm hpang na anhte a Ramma ni a matu ngam da ya mai ai.

Moi na Jiwoi Jiwa ni ngam da ya ai majaw anhte ndai zawn lu nga ai. Tsit tsawm ai, ga sau kaja ai, tsun ga nga yang grai law ai ... Dai hte maren ya daini na ningbaw ni, masha kaba ni ngam da ya ai hpe anhte bai lu na re. Hpa ni ngam da ya na kun gaw n chye... Lamu ga jahten kun? Mungdan kun? Nam maling kun? Hpun n nga ai layang kun?

Dai zawn ... ya prat na anhte Ramma ni ma hpa baw wa ngam da ya na ta? Jinghpaw Wunpawng amyu sha ni a labau a matu hte na labau a matu ... hpa baw ngam da na ta?

Du na ban prat na Jinghpaw Wunpawng amyu sha ni a matu anhte hpa baw wa ngam da ya lu na ta? Ayai mat ai Mungdan kun? Mungdan nnan kun? Hpa baw rai ????
Nang ngai yawng a lata kaw re ...

 Labau hka ji n kap ai ni tai hkra shakut ga  ngu n chye n kaw rai nbwisam shadut mayu ai ...

Ndai post a jahtum hku nna laika yan langai ka na re. Dai hpe http://kachinland.blogspot.com/ kaw na la ai re.

WUNPAWNG MUNGDAN SHA N-GA MUNGKAN TING HPE UPHKANG NA JINGHPAW WUNPAWNG RAMMA ...

Pre post 100

6.9.2008

Daina chyawm gaw nbwisam langai beer loi lu na myi lim lim ... lim lim nga nna nta du wa ai re ... Mabyin hpe tsun ga nga yang ... nnan daw gaw Pizza sa sha na ngu jahkrup da tim, n myit mada ai sha Hpu Sut Awng a hpaji jaw ga hte maren ... Tianta Citas ngu ai Stage Show hte rau, lusha seng ni, beer ni dut ai shara de du mat hkra rap!

Nu wei ... Beer rai yang sama pyi n lu hkam ai nbwisam gaw soi nawng nawng dagrawng sai gaw ... Sa ai manang gaw 6, num sha 2, la kasha 4, ... Dai kaw na particularly hku nga yang Jinghpaw gaw 4, Sam gaw 1, Karen gaw 1 re.

Shayi sha 2 yen gaw Coca Cola sha lu nhtawm, shadang sha ni yawng gaw ram daw kaba ai Beer soi 12 hpe n ma n mai shakut sharang let, atsai awai lu dat sa ga ai ...

Beer lu taw nga ai aten hta, yungwi pinra hta na mahkawn ni ma gaw ... manu mana garen na zawn re majaw ... nbwisam langai myiprwi si pyi ganoi noi hkrat ai ... (Majap jap ai majaw ma re)

Ang sha-a ... yungwi pinra na nsen ni gaw grai ngwi pyaw ... nbwisam a salum hpe nya ai hta nya hkra shanya taw ai ...
A ga ... dai lam ni n kam tsun sai law .. Tsun taw yang Hkau Shanghtin hta pyi grau galu mat na ... (Chye mayu ai ni nga yang gaw cbox kaw mai shana da ai...)

Nta du, online shang ai hte rau ... beer lu ai hpe chye ai hte kalang ta ... online kaw na shayi sha langai gaw ja ji hkap pawt ai... Raitim le ... kalang marang gaw ngai hpe ahkang jaw rit ... (Kalang marang gaw grai n law ai law ...  kaja !!!)

Dum ai ... Dum dik ai ...Grai dum ai ... Manu mana dum ai ... N dang tsun hkra dum ai ...

Dum let hte sha ... nye myit ni ... aw ... Dum dik ai ....

(Lahta na "dum" hpe hti yang myit dum ai hku hti na... Bau dum ai hku n hti na matu du sa ai myitsu ni hpe hpyi lajin dat nngai ... )

Yawng Ngwi Pyaw Nga U Ga.

Denmark na sara langai hte

5.9.2008

Denmark na Dr. Peter Peel hte Mercury (Pya-da) lam bawngban jahta byin ai ... Shi gaw Denmark kaw na rai nna, Mercury hte seng ai, mining galaw ai shara ni hkan du hkawm let hpaji jaw hkawm ai re.

Mungdan law law de hpaji jaw hkawm ai rai nna, asak loi kaba sai re. Mercury a lam hpe gaw loi galu ai post hku nna bai ka na re. Ya hkrak hkrak nan, Japan, Tanzania, Philippines hkan gaw dai Mercury hpe lang ai a maarng e n ra sharawng ai akyu ara ni byin hkrum hkra nga sai re.

Buga masha ni a hkamja lam ni, lamu ga htenza ai ni, tsun ga nga yang grai law ai re.
Ndai Philippines kaw gaw laning mi Mercury Ton 120 ram lang ai nga nna maram lu ai.

Jinghpaw mung de gaw kade daram lang ma ai kun? Jahpan hta ai ma n nga ai majaw n chye lu ai re.

Ndai sara wa hte kadai tim mai matut mahkai ai. Shi na email hkringdat gaw ... a ga ... sorry... shi email mat taw ai.. Hpang kalang bai mara ya na re.

Ndai gaw shi a matu kumhpa

Ndai gaw shi a kumhpa hte shi sumla

Kaja nga yang Cyanide lam ma tsun ai re. Raitim, Mercury lam grau madung tsun dan ai re.
Google kaw na Dr. Peter Appel Mercury ngu gayet bang na tam tim mai ai.

Ndai gaw shanhte a website ... http://www.dmu.dk/International/

Philippines kata kaw ...

4.9.2008

Philippines kata kaw daini byin taw nga ai masa ...

SONA n-gun madun poi

University of Indonesia dakkasu jawngma ni hte masha kaba ni hte video confrences shaga byin ai.

Indonesia kaw na ni hte video kaw na bawngban jahta

Ndai hku hpyi shawn

Simsa lam a matu bau dum

Hare Krisna makam masha ni (Grai law n raitim, loi li nga ai.)

Simsa lam a matu

Hpyenla ni mung mahkawn hkawn (Shanhte sha dum ai re.)

Ya aten hta Philippines a no.2 kaba dik ai zunlawng rai nga ai, Mindanao de Moro Muslims masha ni hte Asuya ni gasat nga ai re. Dai wuhpung gaw MILF (Moro Islamic Libration Front) ngu ai. Shanhte gaw madu mungdan Moro home land gaw de na matu re.

Shi laika hkan gaw Hkritan ni law ai mare hkan grau nna htim gasat ai nga ka ma ai. Hpyen n-gun gaw 12000 hte lahta nga ai re. Ya aten hta gumsan magam Arroyo kaw na simsa lam a matu tsun na lam n nga sai nga nna daini jang ndau dat sai.

Anyway, ndai kaw na majan a lam yu let, moi ... rawt malan prat hpe bai myit dum ai. Dinghku shagu ngu na ram ... kasha ni hpe dun, arung arai ni hpai let, nam hprawng hprawng ai prat wa ...

Aw ... n ngut shi ai hkrunlam ....