Shanglawt!!!

Ndai manau wang hta kalang mi ma manau n nau ga shi ai... Nau ma n kam nau ai... Ngai myit mada dai ai nhtoi du yang she nau mayu ai.
Dai namchyim hpe ngai hkam sha mayu ai. Ji dwi, Ah Dwi ni tsun dan lai wa ai sha na ga ai. Anhte na ban prat hta she myi man di hkama chya ai ni tai sa na kun?
Ngai dum nga ai.
Moi na hpakant shingran ni hpe...
Ngai kabye lai wa ai...
Sai ni pyi n hkraw shi ai lam ni...
Ngai na jin sai...
Shada mara shagun ai nsen ni (gossip) ni...
Madu a amyu a matu hpa n lu galaw kau da na hpe grai tsang ai.

Grai marit ai. Dai namchyim hpa ta? Kadai hpe mara shagun ai hpan ta? Kadai ni shakut galaw ra ai ta? Gara hku galaw ra ai hpan ta?

Manila du ai ten

Manila
18.5.2008 Laban shana du ai.
Kahtet ai, nbung ni n san ai.
Mawdaw grai law nna, Tricircle ni ma law ai.
Masha grai law ai. Street kids ni hpe shara shagu mu lu ai.
Masha malawng gaw English ga tsawm ra lu shaga ma ai.
Mawdaw ni gaw nambat hta hkan nna gawt mai ai nhtoi, n mai gau hkawm ai nhtoi nga ai.
Masha ni gaw amu kyin ai malawng re majaw fast food hpe madung sha ma ai.
Electronic arung arai ni gaw tsawmra manu laja ai hpe mu lu ai.
Asuya jahkrat da ai masa mung rai na re.
Maigan gumhpraw nau n ma na matu rai sam ai.
Mungkan hta ninghkap poi galaw dik ai mungdan jahpan kaw lawm ai.
Ndai Manila kaw Jinghpaw ramm ni nkau mi nga ma ai. Music hkaja taw ai ni, hpaji lam hkaja taw ai ni nga ma ai.
Philippines gaw grai tsawm ai mungdan she rai nga...
Jinghpaw mung hpe grai dum wa sai.
Bum ni, pa layang ni,
Mungdan e... ...
nbwisam

Daini AIT :fk ni jawng yu poi galaw...

Bangkok, 17.5.2008

Daini Asian Institute of Technology Extension kaw na :fk program prepartory course lung nga ai mungdan 14 kaw na jawngma 32 ndai course ngut kre la ai lamang hte lekmat jaw ai lamang hpe galaw ai. Tut nawng hku hkau na masat hku nna AIT dawnghkawn hte Madu mungdan dawnghkawn hpe chyit chyai hkrang galaw nna kumhpa jaw ai. Nye myit hta mungdan dawnghkawn hpe madu a dawnghkawn byin shangun mayu dik ai.

Grai dum ai ...

Mungdan e....

Jinghpaw wunpawng sha ni a matu chyinghka grai law nga ai.

Shanglawt chyinghka ma langai re. Anhte n lu hpaw shi ai.

Gara hku hpaw na ta?

Sut masa chyinghka.

Shanglawt chyinghka.

Hpaw ra ai chyinghka grai naw nga ai.

Rawt u, amu galaw nu, chyinghka lu hpaw hkra shakut ga.

Htawm hpang na ban prat a matu...

Shawng na byin lai wa sai ni hpe kasi la ga...

Galoi mung asum n jaw ga.