5.11.2008
Ya CNN kaw na shapoi ai shiga madat let ka taw ai re. Daini rung ting bungli n galaw ai daram re. TV hpaw na jahta ai hte, shat pyi n sha ai hte re.
Ya ndai laika ka taw ai aten hta Obama gaw vote 338 lu nhtawm American mungdan a 44th lang na Gumsan magam aya hpe gunhpai na jin jin rai mat sai.
McCain gaw vote 155 lu nna Oval office ngu ai nta hpraw hkaw de n lu sa mat sai re.
Laiwa sai Gumsan magam wa gaw Repbulican kaw na rai nna ya kalang bai Clinton (1993-2001) ngut ai hpang Democratic mung masa hpung kaw nna Obama bai lung wa sai re.
Democratic ni lung wa sai majaw shawa nga mu nga mai lam ni, shawa hte seng ai amu bungli ni grau n-gun dat nna galaw wa na re hpe maram lu ai. Amyu sha shimlam hta gaw gara hku masing jahkrat nna jum mat wa na hpe gaw yu mada nga ga.
Majan a majaw pu ba taw sai shawa ni gaw kabu sa na re. Shanhte jaw bang ra ai ahkun hkanse (Taxes) ni mung yawm wa na ngu myit mada taw nga ma ai.
Ndai lang na Gumsan magam gaw yawng chye ai hte maren shan chyang amyu chyen mi, shan hpraw chyen mi re majaw laklai ai mabyin re. Dai laklai ai masha re majaw laklai ai amu ni hpe ma awng dang ai hte lu galaw na re ngu myit mada ai.
3 comments:
Yes! We Can.... :D :) Change has come.... hehe Obama zawn tsun yu ai... gade nna yang n dai lam ka na. Ya ngai conference lung taw ra na n ta de hpawt na she du wa na re ma jaw.... An hte Myen mung a matu mung grau hkrak ai Policy rai wa na matu she myit mada a la nga sai. Bush gaw grai hpyang ai... Foreign policy kaw le..
Bush a maigan policy gaw hpyang ai hpe malawng kam ma ai.
Raitim, John Kerry gaw Sut masa lam hte shawa hpe zinlum wa ai aten, mungdan ting gaw dai muslim ni sat nat na hpe hkrit taw ma ai aten re majaw ... Bush hpe gara hku ma n dang mat ai re ngu maram lu ai.
Raitim, ngai gaw ya aten hta republican le ... Arang kaba hte madu a myu hte mungdan gaw No. 1 re.
Clinton zawn majan ma shazim nna sut masa bai rawt wa hkra lu galaw yang Obama mung 2 lang gaw magam gun lu na kun?
Dai rai yang gaw 2017 shaloi she salum bai gumhtawn sa na. R a matu le ... :)
Karai Kasang lata ai re ngu kam ai. Chyum laika buk lang nna dagam ra ai re majaw ... Hpa mi nga tim kabu ai. Kanu ga madat na myitsu ai masha re ngu chye lu ai majaw ...
ngai bai loi garu nang na yaw hpa n chye tim le :) Ngai gaw hpa na kung law masha nau n ra ai ni hpe she grau ra taw taw re le, Lumike wa Bush hpe grai sha ra ai .. La re ngu mai tsung ai :P Den na nga jang den kau dat dat re..heee...Bush wa P bying wa ai shaloi mung mung masha ni wo wo di di rai madi shadaw na byin wa ai re le. hkum malap mu, chye ai n re ni shingin masha myit Karai pyi n lu hkan ai majaw, tsung na grai yak ai P byin ai mung n loi dik ai bungli re ngu mu mada ai :) Myen mung kaw she jahkrit shama rai na kadai mung P bying mayu na re hpaji chye ai mung dan hkan p byin na matu gaw n loi dik na re chye dum , kaja sha mung chye ai ni wa nau law mat na le, hpa rai tim Obama hpe mung ngai gaw shin ran mu ai ya kade n na yang matsa ban wa na mara ai :) for sure :D P shagu gaw lak lai ai lama ma gaw mung dan ah matu galaw da ai ni hkrai re gaw yawng chye na sai ngu kam ai, La yu ga le i? Obama wa hpe Mang hkang myo 100 ram la taw ai hpe gara hku hparan na kung? heee :)
Post a Comment