Blog ka ai masum ning hpring sai.
Shawng nnan ka ai shaloi gaw hpa baw ka na n chye ai majaw madu hkum madu shachyen ai lam ka ai. Raitim, dai ning hta gaw dai post hpe bai edited galaw dat ai.
Internet chye mayu ai majaw Yangung, Myay ni gone ngu ai kaw na Service+ ngu ai shara kaw sa lung sai. 5 ya sharin ya ai. Dai kaw internet a lam hte email gara hku lang ai lam sharin ya ai. Shawng nnan galaw la ai email gaw http://168city.com kaw na email re. Jahtum shani gaw Blog a lam shachyen ya ai.
Madu gaw dai blog ka na matu gmail nga ra ai majaw blog n lu ka shi ai. Manaw manang ni kaw na gmail invite galaw ya na matu grai hkan hpyi nem sai. #ygnchat hkan, MIRC hkan na mu n mu manaw manang chye ma chye ni hpe "Chyeju hte gmail invite galaw ya rit" ngu na grai hpyi nem sai. Gmail account lu na matu maw hpyi zawn she hpyi lai wa sai. (Dai aten hta gmail gaw free n lu ai re.)
Nau nna ai aten hta sara ni sharin da ya ai hpe laika buk kaw na yu na blog langai mi galaw dat sai. Mying ni mung n chye jaw ai majaw email hte maren sha jaw dat sai. Ya hpang de gaw bai galai na kun ngu kalang marang myit hkrup ai.
Blog gaw galaw la sa. Hpa baw ka na gaw bai n chye. Shachyen shaga mayu dama ngu ai hte maren shawng shachyen dat ai. Dai hpang gaw Myitkyina de wa mat ai. 2006 ning hta Myitkyina mare kaw Internet n lu lang shi ai.
Ndai masum ning laman hta laning mi ram ting gaw blog ka ai kaw na mat mat ai. Dai aten Myitkyina kaw internet n lu ai majaw re.
Access Kit ngu ai prepaid account mari na manang a nta na line phone hte gaw lang shakut yu tim, gmaillite sha pyi shang na yak dik ai. Dai hte ma amu n byin ai majaw gaw madu a buga kata myi hprap wan n lu tim, wan manu shata shagu jaw ra ai Myitkyina kaw ... o gayin, le gayin hte nga lai wa sai.
2007 ning kaw na gaw Myitkyina mare kaw MCC ngu ai Internet seng hpaw ai. Dai aten Geis ramma ni malawng gaw Yangung mare kaw du taw ai majaw dum ai lam post ni, myitru ai lam post ka lai wa sai. Connection gaw grai (grai) nan yak dik ai majaw post langai mi sha mara na pyi grai shakut kau sai.
Maga mi hku rai jang post langai mi gaw myen lap 3000/ shing n rai 4500/ ram tim ma hkam na shakut da sai. Dai aten hkying hkum mi gaw 1500 re. 2007 shaning htum mahka de she hkying hkum mi 1000/ lap de du ai. Hpa mi nga tim, post langai a matu hkying hkum 2 shing n rai 3 gaw aten jaw kau ra sai.
N myit mada ai sha Laiza de dai shaning htum maga de du ai. Internet seng kaw ja ji lang na ngu tim, Miwa ni gaw blog hpe pat da re nga ai. Myen mung na zawn shing kawt na website ni mung amu n byin ai.
2008 shaloi gaw Yangung bai du byin sai. Zaibru jang hta hkawm nga ai masha zawn hka hpe mu ai hte kan she tit hkra lu ai zawn Internet seng kaw shani shana sa lang sai. Manu gaw hkying hkum mi 400/ lap re. Kabu gara lang sai goi... nta wa na matu bus manu pyi n nga hkra re.
Tau chye da ai lam n nga ai sha maigan de du wa ai. Blog ni gaw grai galai shai mat ai hpe mu sai. Yangung kaw gaw blog langai hpaw na matu yak ai majaw... Thai kaw du yang she ahkru lu yu sai. Link langai kaw na laga de du mat, internet panglai de yawng hkawm ai wa ... AIT kaw na sara pyi sadi she jaw ra ai. Myi hten na, naw hkring u ngu na re.
Blog mungkan mung 2 ning laman grai nan galai shai mat ai. Grai madang tsaw mat ai. Ngai na matu gaw n chye ai lam grai law mat ai. Raitim, post sha gaw naw chye ka ai majaw post ni gaw ka mara ai.
Blog ka na masha ni sa hti na re ngu na nnan gaw n sawn byin ai. Madu a shani shagu na matsing hpa ni ka ai zawn sha hkam la da ai. Ya gaw loi shai mat sai.
Blog ni hkan hti let, ngai na matu gaw...
1. Grai lawan dik ai hku nna shiga ni chye lu ai. (Teng n teng lam gaw amyu mi le i?)
2. Masha amyu shagu a ningmu ni hpe mu lu ai.
3. Hpaji grai lu ai.
Jinghpaw blog ni ma ram ram law wa ai hpe mu na grai nan n-gun lu ai.
Ndai blog hpe Myen hku ka na i? ngu na grai gaw myit wa sai. Manang nkau ma grai n-gun jaw ai majaw... Hpa majaw nga yang ngai gaw Myen laika ram ram kung ai ngu mai tsun ai. Moi myen laika ka shingjawng ai lam ni hta ma n dum shami kumhpa ni hpa ni lu ga ai le. Jawng kaji ai kaw na tsang 10 du hkra mark law dik ai myen laika re.
Raitim, Jinghpaw laika hpe sha lang na ngu myit dawdan sai. Hpa majaw ngu ai gaw sanglang dan n ra na sai.
Mungdan ngu ai yupmang a matu gaw hpaji hte laili laika grai ahkyak ai majaw madu a laika hpe madu nan shakut sharang let shatsaw ra ai. Ngai gaw dai hpe hkam la ai re. N-gun kya ni lam amyu myu hku nna ka-up nga ai aten hta jut shara mi kaw na Jinghpaw laika a matu makawp maga mayu ai.
Ndai blog hta ra ai lam ni hpe hpaji matsun madun garan ya ai myitsu ni yawng hpe grai chyeju kaba sai. Mying ni gaw n tsun sai. Amyu mung law na. Jinghpaw, Myen, English, Miwa, Africa ni du hkra re. Hpaji jaw lai wa sai ni gaw. Akyu ma grai rawng ai.
Ndai blog de lam dam na ma du du, da sang ma sa du du, du sa na hti lawm, myit ru lawm, malet nhprang du shang wa ai ni yawng hpe ma kabu gara hte chyeju kaba yaw.
Shawng nnan ka ai shaloi gaw hpa baw ka na n chye ai majaw madu hkum madu shachyen ai lam ka ai. Raitim, dai ning hta gaw dai post hpe bai edited galaw dat ai.
Internet chye mayu ai majaw Yangung, Myay ni gone ngu ai kaw na Service+ ngu ai shara kaw sa lung sai. 5 ya sharin ya ai. Dai kaw internet a lam hte email gara hku lang ai lam sharin ya ai. Shawng nnan galaw la ai email gaw http://168city.com kaw na email re. Jahtum shani gaw Blog a lam shachyen ya ai.
Madu gaw dai blog ka na matu gmail nga ra ai majaw blog n lu ka shi ai. Manaw manang ni kaw na gmail invite galaw ya na matu grai hkan hpyi nem sai. #ygnchat hkan, MIRC hkan na mu n mu manaw manang chye ma chye ni hpe "Chyeju hte gmail invite galaw ya rit" ngu na grai hpyi nem sai. Gmail account lu na matu maw hpyi zawn she hpyi lai wa sai. (Dai aten hta gmail gaw free n lu ai re.)
Nau nna ai aten hta sara ni sharin da ya ai hpe laika buk kaw na yu na blog langai mi galaw dat sai. Mying ni mung n chye jaw ai majaw email hte maren sha jaw dat sai. Ya hpang de gaw bai galai na kun ngu kalang marang myit hkrup ai.
Blog gaw galaw la sa. Hpa baw ka na gaw bai n chye. Shachyen shaga mayu dama ngu ai hte maren shawng shachyen dat ai. Dai hpang gaw Myitkyina de wa mat ai. 2006 ning hta Myitkyina mare kaw Internet n lu lang shi ai.
Ndai masum ning laman hta laning mi ram ting gaw blog ka ai kaw na mat mat ai. Dai aten Myitkyina kaw internet n lu ai majaw re.
Access Kit ngu ai prepaid account mari na manang a nta na line phone hte gaw lang shakut yu tim, gmaillite sha pyi shang na yak dik ai. Dai hte ma amu n byin ai majaw gaw madu a buga kata myi hprap wan n lu tim, wan manu shata shagu jaw ra ai Myitkyina kaw ... o gayin, le gayin hte nga lai wa sai.
2007 ning kaw na gaw Myitkyina mare kaw MCC ngu ai Internet seng hpaw ai. Dai aten Geis ramma ni malawng gaw Yangung mare kaw du taw ai majaw dum ai lam post ni, myitru ai lam post ka lai wa sai. Connection gaw grai (grai) nan yak dik ai majaw post langai mi sha mara na pyi grai shakut kau sai.
Maga mi hku rai jang post langai mi gaw myen lap 3000/ shing n rai 4500/ ram tim ma hkam na shakut da sai. Dai aten hkying hkum mi gaw 1500 re. 2007 shaning htum mahka de she hkying hkum mi 1000/ lap de du ai. Hpa mi nga tim, post langai a matu hkying hkum 2 shing n rai 3 gaw aten jaw kau ra sai.
N myit mada ai sha Laiza de dai shaning htum maga de du ai. Internet seng kaw ja ji lang na ngu tim, Miwa ni gaw blog hpe pat da re nga ai. Myen mung na zawn shing kawt na website ni mung amu n byin ai.
2008 shaloi gaw Yangung bai du byin sai. Zaibru jang hta hkawm nga ai masha zawn hka hpe mu ai hte kan she tit hkra lu ai zawn Internet seng kaw shani shana sa lang sai. Manu gaw hkying hkum mi 400/ lap re. Kabu gara lang sai goi... nta wa na matu bus manu pyi n nga hkra re.
Tau chye da ai lam n nga ai sha maigan de du wa ai. Blog ni gaw grai galai shai mat ai hpe mu sai. Yangung kaw gaw blog langai hpaw na matu yak ai majaw... Thai kaw du yang she ahkru lu yu sai. Link langai kaw na laga de du mat, internet panglai de yawng hkawm ai wa ... AIT kaw na sara pyi sadi she jaw ra ai. Myi hten na, naw hkring u ngu na re.
Blog mungkan mung 2 ning laman grai nan galai shai mat ai. Grai madang tsaw mat ai. Ngai na matu gaw n chye ai lam grai law mat ai. Raitim, post sha gaw naw chye ka ai majaw post ni gaw ka mara ai.
Blog ka na masha ni sa hti na re ngu na nnan gaw n sawn byin ai. Madu a shani shagu na matsing hpa ni ka ai zawn sha hkam la da ai. Ya gaw loi shai mat sai.
Blog ni hkan hti let, ngai na matu gaw...
1. Grai lawan dik ai hku nna shiga ni chye lu ai. (Teng n teng lam gaw amyu mi le i?)
2. Masha amyu shagu a ningmu ni hpe mu lu ai.
3. Hpaji grai lu ai.
Jinghpaw blog ni ma ram ram law wa ai hpe mu na grai nan n-gun lu ai.
Ndai blog hpe Myen hku ka na i? ngu na grai gaw myit wa sai. Manang nkau ma grai n-gun jaw ai majaw... Hpa majaw nga yang ngai gaw Myen laika ram ram kung ai ngu mai tsun ai. Moi myen laika ka shingjawng ai lam ni hta ma n dum shami kumhpa ni hpa ni lu ga ai le. Jawng kaji ai kaw na tsang 10 du hkra mark law dik ai myen laika re.
Raitim, Jinghpaw laika hpe sha lang na ngu myit dawdan sai. Hpa majaw ngu ai gaw sanglang dan n ra na sai.
Mungdan ngu ai yupmang a matu gaw hpaji hte laili laika grai ahkyak ai majaw madu a laika hpe madu nan shakut sharang let shatsaw ra ai. Ngai gaw dai hpe hkam la ai re. N-gun kya ni lam amyu myu hku nna ka-up nga ai aten hta jut shara mi kaw na Jinghpaw laika a matu makawp maga mayu ai.
Ndai blog hta ra ai lam ni hpe hpaji matsun madun garan ya ai myitsu ni yawng hpe grai chyeju kaba sai. Mying ni gaw n tsun sai. Amyu mung law na. Jinghpaw, Myen, English, Miwa, Africa ni du hkra re. Hpaji jaw lai wa sai ni gaw. Akyu ma grai rawng ai.
Ndai blog de lam dam na ma du du, da sang ma sa du du, du sa na hti lawm, myit ru lawm, malet nhprang du shang wa ai ni yawng hpe ma kabu gara hte chyeju kaba yaw.
3 comments:
Nang shakut sharan da ai lam ni sa hti na sa shakawng mat wa sai yaw :) ngai gaw nang zawng rai n shakut hkawm na jam jau mung n hkrum hkawm ra ai le heeeee :D internet ngu ai chyawm gaw hkrit ai baw n re hpe 2000 miwa mung jarik maijayang du na chye ai, shani shagu Hkoi 5 yawn jaw (miwa $) na kachinet shawng chye hti wa ai hpe sha dum sai, miwa ni computer hkang mung, shabrang ni nau n yu ra ai baw nau law na, hkang click ai ngu yang shayi sha tsawm tsawm re, matsan mayen re, buhpung palawng mung n lawm ai ni grai grai pru wa na, yu gaw yu mayu makau kaw masha ni gaw nga rai na, dai ni hkang pat na mung ja ji rai kin ga sai :) n chye ai re nga yang gaw jam jau ai lam ni le :P myenmung bai wa yang gaw 2003 rai sam sai nau n dum sai, ya gaw loi wa lang yu sa ga ngu na yangon kaw internet seng tam hkawm yu yang, lam 40 kaw na byi lam naw hkawm ra ai seng myin gaw malap sai, ya du hkra naw chye ai dai sha ra hte Ahladin...ngu ai lam kade kung dai makau kaw gaw rai sam ai dai 2 kaw sanchyawn kaw na shapyen hkawm ai re goi, :) dai shaloi internet lang yang ID madung ra ai le :) dai re lam ni nau law na dai kaw na internet ngu ai hpe myitmakyi mat na sanchyawn kaw majoi she law wa ai ten du hkra n lang ga mat ai :) :D hpa rai tim le i n nga ai hta daw yang gaw nga jang gaw chye wa ai lam gaw nga wa ai le, shamang chyeju san san re san :) :)
Umm, ngai mung yawng hti ngu na, ngai blog ka ai hpe nre sha, internet hpe gara hku lang wa ai hpe she ka mayu wa sai. Hkau nang gaw, sha, she naw re. Ngai na mabyin ka yang she bai hti yu sanu yaw.
Grai kaja sai. "Kachinblogger Day" nga ai mung pru wa na re. Gadai n woi hpang yang Kachinbee woi hpang na re. Dai shaloi yawng shang lawm ga lu...
Dai internet lang ai shaloi, lusha grai gam kau sai lam hpe n ka da ai. hee hee ... prat prat wa mung. Langai sha mai lata ai majaw ... shat n sha ai sha internet sha lang kau sai.
Sanchaung T-net kaw rai nga. Shani shana, nta zawn she rai mat ai.
Nanhte ni a mahkrum madup ni hpe ma la hti na re. Lawan she ka mu. Jinghpaw lagat yaw... ka na nga na n ka ai sha n chye masu su n mai ai re lu.
Post a Comment