Jinghpaw ni manu mana Maigan pru ma

Jinghpaw Ramma ni law malawng maigan de pru wa ai lam hpe chye lu ai.
Maisak wang na ramma langai hte hkrum shaga yang shi gaw Malaysia de amu galaw na matu sa na re. Yawng galaw ngut sai re ngu nna tsun dan ai.
Ramma langai bai rai yang gaw Singapore de hpri gyit, hpri matut, wiring galaw na matu sa ai re lam tsun dan ai. Galaw ya ai Agent hpe Singapore Dollor 4300 jaw ra ai lam chye lu ai. Shi gaw shata mi S$ 850 lu na re lam chye lu ai.
Ndai zawn Ramma ni maigan pru ma ai majaw kaja ai lam hte n kaja ai lam ni anhte Jinghpaw mung hta byin pru wa ai.
Nkau Kanu Kawa ni gaw tinang a kasha htenza mat na tsang nna Yangon de sa, Maigan sa ai re lam chye lu ai.
Ramma malawng gaw ja gumhpraw yak hkak ai majaw shinggan pru nna amu galaw na dawdan ai re lam chye lu ai.
Ndai Ramma ni bai wa yang gaw hpaji ni ma lawm wa na re ngu na sha Kanu Jinghpaw mung de ga htet dat ai rai.