Shawoi sha sha re ai shat da mi...
(Ndai shat hkyep ni a hpang hta
n mu lu ai myiprwi si ni kade nga na kun?)
Seng madu kaw na hkyen lajang nga ai hkausoi (Hong Kong Noodle) hpe azi yu let ala dingda nga ai nye myi ni gaw galang zawn ... Dai aten hta makau kaw sa tsap let ...
"kan grai kawsi ai majaw shat mari sha na gumhpraw loi jaw rit"
ngu sa hpyi ai nsen na dat yang ... yin rai nna yu dat ai hte rau ma kasha langai hpe mu ai.
Lasi kyip kyip, myiman hta gaw hpa zawn nawn ai lam n nga, madu galaw nga ai amu bungli galaw ai hpa nyau nyau re tsap let lata galam na hpyi taw ai.
"kan grai kawsi taw ai majaw gumhpraw ayoi loi jaw rit law ... hpu ba e..."
"hpu ba ..."
" Kan grai kawsi na re law..."
Shi a myit hta n dang hkam wa ai. Raitim, gumhpraw gaw jaw na n myit da ai majaw Siomai (Pawk si) kaji langai mari na jaw dat ai.
"Ngai gumhpraw n lu jaw ai. Maw... ndai muk sha u. " ngu na jaw dat ai.
Chyeju dum ga pyi n tsun ai sha dai ma kasha ... lam re lagat mat wa ai.
Minute mi na ai aten hta ma kasha langai bai du wa sai. Dai aten ngai gaw hkausoi hpe ja ji sha taw nga sai re. Mu tim n mu tim kawsi taw nga ai majaw grai sha mu ai re. Dai aten hta ...
"Hpu ba ... kan kaw si ai majaw gumhpraw ayoi loi jaw rit ..."
Yu dat yang ma kasha langai makau kaw tsap let gumhpraw sa hpyi taw ai re. Ma kasha nga tim loi gaw kaba sa na re. Asak 10 ning ram rai sai. Ndai ni gaw wupung hte rai nna marai langai lu hpyi ai hte ngam ai ni yawng ma jumdwi de yen sa wa ai gagyin ni zawn sa wa chye ma ai.
Myit hta gaw un un nga nna ... nang tsun ai ngai n chye na ai ngu nna sha tsun bun kau dat ai. Loi marawn ai nsen hte re majaw dai ma kasha ma kajawng nna kahtap n hpyi sai sha angwi sha hkawm mat ai.
Sha mayu taw ai hkausoi hpe lu sha dat ai majaw grai myit dik let nye a lagaw lahkam ni gaw internet seng de ...
******************************
Email jep, laika ni ka, shiga ni hti, manaw manang nkau hte shaga ngut ai hpang shana shat sha na matu lusha seng de sa wa ai.
Myit hta sha mayu ai zawn nawn ai lusha ni htet la ngut ai hpang gaw ... shawng htet da ai ice-cream hpe shawng sha dat ai. Dai ngut ai hpang gaw wa shan hte ga-ngau da ai shat sha na matu hkyen dat ai.
Malu masha a matu chyeju shakawn ngut ai hpang sha na hkyen dat ai aten ...
N myit mada ai sha, mi yet na gumhpraw sa hpyi ai ma kasha hpe myit dum dat ai. Myit hta dung nga nna byin mat ai.Shi kade kaw si taw nga na kun? Nta n nga ai kun? Kadai ni hte nga ai kun? Shani shagu hpa galaw na she sha ai kun?
Jawng gaw lu lung na re kun?
Shi a shawnglam gaw hpa kun?
....................... Kun?
....................... Kun?
....................... Kun?
....................... Kun?
Nye myit hta grai n pyaw mat ai. Lama na dai Siomai (Pawk si kaji) sha pyi jaw sha dat yang wa ... ... ...!!!
Dai Siomai langai gaw lap 3 sha re. Lama na dai hpan masha marai 5 ram sa wa na gumhpraw sa hpyi yang pyi siomai langai hpra jaw dat yang 3x5 = 15 sha ang na. Nye a shat da mi gaw yawm dik 100 peso grupyin du ai re. Ntsa lam 80-120 peso ram nga ai. Lani mi jai taw ai gumhpraw a htam shi pyi n nga ai hpe gaw grai chye sawn ai zawn rai sai. Amu law nna pu ba yang lu na matu Beer mari na gaw n lahpawt re nga ai.
Dai shana maga de ma kasha 2 sha sa hpyi ai re. Muk langai hpra jaw dat yang lap 6 sha ma na re. Shani shagu jaw ai ma n re. Shanhte ma kan hkru hkra gaw n raitim, loi gaw tsa mai na re. Kalang marang sha re majaw ...!
Hpa majaw ta? Nye a myit hta matsan mayen ni hpe jaw na myit ni n nga mat na kun? Shing n rai ndai ma kasha ni, dai hku sha hpyi sha taw yang akyang lawm mat na bungli galaw na myit n nga mat na tsang na kun?
N rai na re. Dai aten hta nye a myit hta dai ni gaw rawng ai kun? Madu sha taw nga ai lusha hpe sha, sha taw na grupyin kaw na kaw si hpang gara hkrum taw nga ai ni hpe shingdu tawn da ai rai mat sai kun?
Jahpawt manap rawt, akyu hpyi, Chyum laika hti ... raitim, tatut hta hkan nang hkan sa ai lam n nga ... tinggyeng myit hte hpring chyat taw ai nye a kraw kata na myit, masha shawng kaw makoi da ai myit, kaji ai kaw na angwi ngwi mahkawng wa ai myit hpe dai shana maga de a kajawng sha mu dat ai.
Madu Yesu tsun ai tsawra myit ni, Kanu sharin ya ai masha ni hpe garum ra ai lam ni ... gara de mat mat sa ta? ngu nna nye hkum ngai san-htai galaw nga let ...
....................... Kun?
....................... Kun?
Nye myit hta grai n pyaw mat ai. Lama na dai Siomai (Pawk si kaji) sha pyi jaw sha dat yang wa ... ... ...!!!
Dai Siomai langai gaw lap 3 sha re. Lama na dai hpan masha marai 5 ram sa wa na gumhpraw sa hpyi yang pyi siomai langai hpra jaw dat yang 3x5 = 15 sha ang na. Nye a shat da mi gaw yawm dik 100 peso grupyin du ai re. Ntsa lam 80-120 peso ram nga ai. Lani mi jai taw ai gumhpraw a htam shi pyi n nga ai hpe gaw grai chye sawn ai zawn rai sai. Amu law nna pu ba yang lu na matu Beer mari na gaw n lahpawt re nga ai.
Dai shana maga de ma kasha 2 sha sa hpyi ai re. Muk langai hpra jaw dat yang lap 6 sha ma na re. Shani shagu jaw ai ma n re. Shanhte ma kan hkru hkra gaw n raitim, loi gaw tsa mai na re. Kalang marang sha re majaw ...!
Hpa majaw ta? Nye a myit hta matsan mayen ni hpe jaw na myit ni n nga mat na kun? Shing n rai ndai ma kasha ni, dai hku sha hpyi sha taw yang akyang lawm mat na bungli galaw na myit n nga mat na tsang na kun?
N rai na re. Dai aten hta nye a myit hta dai ni gaw rawng ai kun? Madu sha taw nga ai lusha hpe sha, sha taw na grupyin kaw na kaw si hpang gara hkrum taw nga ai ni hpe shingdu tawn da ai rai mat sai kun?
Jahpawt manap rawt, akyu hpyi, Chyum laika hti ... raitim, tatut hta hkan nang hkan sa ai lam n nga ... tinggyeng myit hte hpring chyat taw ai nye a kraw kata na myit, masha shawng kaw makoi da ai myit, kaji ai kaw na angwi ngwi mahkawng wa ai myit hpe dai shana maga de a kajawng sha mu dat ai.
Madu Yesu tsun ai tsawra myit ni, Kanu sharin ya ai masha ni hpe garum ra ai lam ni ... gara de mat mat sa ta? ngu nna nye hkum ngai san-htai galaw nga let ...
******************************
2 comments:
ndai zawn tam sha ra nga ai ma ni hpe gara hku hkye la na ....
Shanhte hpe Child Care Center (sh)Orphange Center zawn re kaw shalat la yang gaw taw ?????
shahte hpe laika sharin ya , shingnip kaw atsawm sha nga shangun tim, shanhte kaja wa myit pyaw na kun ????
She hkye hkawm ga nga yang gaw ma na n re hpe myit dum nga ai. But we can help someone and teach that person about pay it forward. Dai hku nga jang langai hte langai matut manoi garum hkat ai hte mung kan gaw ngwi pyaw wa na re ngu kam ai. Kaji htum ni hpe galaw daw ai gaw ngai hpe galaw ai re nga n na Yesu tsun da ai hte maren dang di ai ram karum shing tau hkat ra nga ga ai.
Post a Comment