5 March 2009
Ngai gaw blog ka ai hpe grai myit lawm ai. Blog ka ai ngu ai gaw nye a shani shagu na mazing, nye a ningmu hte hkam sha lam hpe mahkawng ai laika dum langai hku na hkam la da ai.
N myit mada ai sha, manang langai gaw tsun wa ai. Shi gaw Myitkyina kaw na re.
Nang na blog gaw n mai hpaw ai gaw. Anhte gara hku hpaw yu na !
Chye ai hte maren Buga kata hta Internet ngu ai gaw grai yak hkak ai, dai ning laman she Myitkyina hta Internet seng ni law wa ai re. Lai sai ten du hkra gaw MCC ngu ai langai sha nga ai.
Ngai mung shi hpe ... o ra hku gumtsat, ndai hku gayin u ngu na proxy site ni jaw let hpaw yu shangun ai. Shi mung grai kam yu ai majaw, shakut shaja tim, connection gaw grai lanyen taw ai hte yak hkak taw nga ai re.
Ya ...
Blog mungkan hpe yu yang, Blogger ni malawng gaw Maigan kaw na rai nga ai. Malawng nga tim, marai 20 pyi n jan shi nga ai.
Jinghpaw ni Internet chye lang ai masha gaw, 5000-7000 lapran ram sha nga na re ngu sawn mayu ai. Dai hta Blog ka ai ni gaw marai 20 daram. Blog sa hti ai ni gaw marai 100 n pu sha rai na re.
Dai pyi aten shagu sa hti ai ni gaw kade nga na?
KNG gaw ya aten hta Jinghpaw malawng hpaw yu ai website rai nga ai. Dai website de shang yu ai mung lani mi masha 1000 n du ai lam na chye lu ai. Dai masha 1000 hta Jinghpaw gaw kade lawm na hpe ma myit yu hkrup ai.
Jinghpaw ni hpe blog law law ka shangun mayu ai. Jinghpaw blogger ni grai law wa yang grai kaja na re. Laili laika gaw, lwi ai hka zawn sak hkrung taw nhtawm grau galu kaba ai laili laika langai tai na lam de myiman yawng wa na re.
Jinghpaw blogger ni mung, madu a blog hta ka taw ai madang hta grau jat na ka shakut ga. Manaw manang ni hpe mung blog galaw na n-gun jaw ga. Ningmu htai lai mai ai, shiga ni lawan ladan chye lu ai hte n-ga, laili laika rawt jat lam hta mung n-gun kaba rai wa na ra ai.
Blogger ni kaw na mung laika ka n lagawn na hte laika hti n lagawn na mung grai ahkyak nga ai.
Raitim ...
Buga kata na manang ni gaw Website rai jang she anhte mai hpaw yu ai nga ai majaw ... website ni mung gawgap let media mungkan de mung majan je sa wa ga.
Buga kata na ni mung Jinghpaw shiga website kachyi mi sha nga ai re majaw grai myit n-gun n lu nga ma ai.
Maigan du sai, chye chyang sai myu sha ni kaw na shakut ya ra na re.
Adoniram Judson: Bound For Burma
1 day ago
2 comments:
Dai ga gaw teng ai hku re. Hkap la ai. Rai tim, buga na manau manang ni hpe, blog ni hpe gara hku lai na hti lu ai lam hpe gaw, n lagawn ai sha tsun dan ga.
Myen ni pi, blog hpe hti ai sha n rai, buga kata kawn ka mara nga ai.
Dai majaw manau manang ni lu hti mai ai website hkan proxy a lam hte adan, aleng ka mara ya ra na tai nga ai.
Jinghpaw wunpawng sha ni yawng IT prat hta hpang nhkrat u ga.
Re hkau.
Blog hta n-ga website ni mung grai law rawt jat nhtawm gan ga wa ra nga ai.
Blog ka ai ni mung grai law wa jang grau kaja dik re.
Website rai jang gaw lit grau li ai hte hkan nang hkan sa ra ai tara grau law na re.
Grau awng dang hkra jawm shakut ga.
Post a Comment