Ndai laika hpe ka mayu taw ai gaw na sai. Hkrak re n chye ka ai hte tsun shut shaga shut na mung tsang ai majaw re. Raitim, ya na zawn re aten gaw htuk manu dik ai aten re majaw ka dat sai.
Email kaw na du wa ai laika langai hpe ngai na blog hta mara dat ai. Dai email hpe hti nhtawm me blog ntsa de mara ya ging ai ngu sawn hkrup ai majaw mara dat sai. Masha law law, grau nna gaw Jinghpaw ni law law chye ging ai. Dai majaw dai email laika hpe mara dat ai.
Blog de sa du yu ai ni gaw chye na sai. Dai gaw KNG shiga dap kaw nna tinang na n re ai sumla hpe tinang she gayet na mara da ai zawn galaw da ai re. Grau sawng ai gaw dai sumla madu hpe credit n jaw da ai lam re. Dai hta grau sawng ai bai gaw sumla madu hpe ahkang n hpyi da ai, shana ai lam pyi n nga ai re. Dai lam hpe gaw lawu de na www.kachinnews.com de ngu ai post kaw mai hti ai re.
Dai lam hte seng nhtawm me blogger ni, blog de sa du ai ni, online user ni kadai mung comment n jaw ma ai. N jaw shi ma ai ngu she tsun ra na sam ai.
Dai laika hpe KNG de mung sa ngut sai lam Sumla madu hpe lakap let chye lu ai. Ya du hkra KNG gaw dai sumla ni hpe yen kau ai lam, sumla:KNG ngu ka da ai hpe dawm kau ai lam, sumla madu hpe masat masa credit jaw ai lam ni tsep kawp n mu lu shi ai. Dai gaw masha ni galaw shakut da ai hpe masat masa n kam galaw ai hte tinang shut ai/ra rawng ai lam hpe gwi gwi n tsun gwi ai ngu mu mada ai.
Dai zawn galaw ai gaw manu mana n hkrak ai amu bungli rai nga ai. Masha ni shadu kachyawng da ai hpe aloi ali dung htit rai nna alu tsu sha mayu ai myit jasat hte bung ai.
Online ntsa kaw na lagut ... daw II hpe bai matut na
3 comments:
rai nga ai a hkaw a hkang gaw hpyi gying ai rai nga ai...hkrak ai hkau rai tim (grau nna gaw Jinghpaw ni law law chye ging ai.)nga gasi dai hpe gaw naw nra sharawng ai law, jinghpaw ni grai chye lagu ai hku wa i ,,,he he she shala ai yaw hkum pawt lu. ngun jaw nga ai bai sa sa di na yaw bye
ya ngai camera ka ja 1 myi ma ri di na sum la grai tsawm tsawm re ni naw dem dat ga mung kan ma sha ni yawng wang lu wang la mai download mai galaw ai ngu na m aka dat ga ga ning re dai ma sha wa gaw wp mung dan kaw sum la sa dem jang kum hpraw ga de jaw di dem la ai re da i ga dai na ah hkang hpyi di dem la ai re da i wp mung dan kaw sha bri sha brai n jaw di dem la di na gaw wp myu sha ni pyi n mai yu sia ngu taw
Comment jaw yang, tinang kadai re ai hpe mying shadan let gwi gwi jaw ga. Ndai comment gaw facebook kaw Jinghpaw kasa hpe ka ai kaw na noi hkrat wa ai matut rai ang ai.
Sumla hpe n mai yu ai lam kadai n ka da ai. Tinang na arai n re ai hpe jai lang yang, madu hpe ahkang hpyi (snr) dai madu a mying hpe shara jaw da na matu re.
Post a Comment