4 January 2009
Dingdung Philippines de hkawm ai. Grai mau hpa ni mu wa ai zawn hpaji la hpa ni grai law mu wa ai. Blog kaw ka na mung, aten nau n law ai hte bawnu grai shuk taw ai majaw n lu ka shi ai. 2 January 2009 hta Manila bai du ai.
Hpawtde 5 ya January hta gaw Davao ngu ai de bai hkawm na. Davao gaw dingda Philippines na mare kaba re.
Aten lu ai hte gaw blog kaw laika bai ka na.
Buga hpe dum ai. Hpawtde gaw February 5 ya rai nga ai.
1961 ning February 5 ya hta gaw ... ngu ai mahkawn gaw nye kraw hta angwi sha lwi shang mat wa nga ai. 2003 ning dakkasu lung ai aten hta she Shanglawt hpyen dap ngu ai na ga ai ngai ... hpa majaw Shanglawt ngu ai hpe dai daram wa myit lawm bu si nga a ta?
Matsing: Shanglawt hte Shanglawt hpyen dap hte ga si lachyum n bung ai.
Adoniram Judson: Bound For Burma
6 days ago
1 comments:
"Shang lawt"nga na yang moi kaji ten hta grai hkrit ai....hpa lachyum re atsawm nchye tim hkrit tsang ra ai ngu sha chye na da ai..
ya ndai asak aprat du wa tim "shang Lawt " ngu ai a lachyum ,namchyim hpe ngai tang du hkra hkam la lu sai kun / lu hkra Ngai hpa ni naw shakut ra ai hpe sawn nga ding yang sha naw re....
manang wa , nang chye na ai daram "shanglawt" a lachyum , namchyim nam ta hpe naw sharing naw galaw ya rit !
Post a Comment