21 September, 2008

Blog hte seng nna ...

21.9.2008

Blog kaw na mahkawn ni hte gadget nkau hpe ndai laman mu lu na n re.

Blog ka ai lam hte dingbai dingna byin taw ai. Email a ga makoi mung galai ra sam sai.

Beer n bri tim, myit bri nga sai.

Mana, pizza sa sha ai. Nye a Jinghpaw n-gup hte n htuk ai. Dai hta, hkau Shanglawt gaw shi shadu, shi sha kau na ngam ai hpe she sumla sha madun let sha ga ngu shaga da ai majaw pawt ai. Raitim, shiga ni gaw lawan lawan mara ya rit yaw ... Loi hpang gara wa re nga ai ...

Ya, kan kaw kru kru (kyu kyu) she ngoi kadu taw ai gaw sumtsan de na tsawra nja pyi na mat ai majaw nga hkwi sa na hkyen taw sai. E, hkawn ... hkawn hkum galaw le. .. Brang galaw na rai nga ... Gu Awng hkwi ya na. Wan wut na shadu na la taw u ngu .. tsun mayu tim, tsaw nja gaw bai n nga ...

Mana shangai nhtoi ladu hkrum ai Hkau Jinghpaw Buga gaw Udi Chyangmaja da. Mayu majing re yaw ... Hkungga nngai. Mayu ni hpe hkungga nngai. (Chye sa nu yaw ...)

Tatut mung hkau shanglawt shadu ai nga kapung sha na kan tit na yup taw ai kun? Sumtsaw laika nnan ... aw chye ... post nnan mung n ka shi nga ai.

Yup bak mara ni chyu galaw taw na, Lashu shayi a nta sa na laika hti yang grai myit malai lu ai zawn, shawng de rawt sa na n-gun ni ma grai lu ai. Mungga shagu hpe n lu hkan shatup shi ai hpe gaya kahpa hkam la nngai.

Kalang mung n mani dan tim, mying mying gaw Sumsai shayi da. Mani hpa ni gaw shakut tsun tim, ngai n mani ya ai gaw ... hun ... shi blog sumla galai kau na pawt ai. Moi na Jinghpaw maka hte kade tsawm ai. Raitim le,
i ?

Nkau shayi sha ni gaw tsun ai. Grai n ju ai da. A bung a lang san na gaw ... ga shaga ai grai si mani ai nga nna pawt ai. Yu dat yang gaw loi gaw masan sa ai myiman hte n-gun ja na hkahku masha zawn san nga ai. Shi a mying Shanghtin re hpe ngai kadai hpe n tsun ai. Kaja wa. Nang beer jar 3 sha jaw lu dat u.

Laika n mai mara ai nga nna myitru nga ai Hkau Naw hpe ma dum nga ai. Myit gaw hkum daw le. Ngai mung hkrum ga ai. Dai majaw 2006 ning tup hpa n lu ka mat ai. (Internet n lu lang ai ngu gaw n tsun sai yaw ... :P)

Shanhte kaw mung laru ru ai lam tsun dan ai hta n-ga hpaji lam hte hparat lam ni hpe madun ya nga ai NZ ni hpe mung, matut nna hpaji jaw rit ngu garum hpyi mayu ai. Kawa masat nhtoi laika hpe hti na ningmu nnan lu ai.

Kalang marang sha du byin ai. Ningmu ni hpe hkrak ai ngu mu ai. Laika nau n ka ai hpe mu ai. Hpaji hte seng na chye ging ai ni hpe ma madun da ya ai. Gara hku shaga ra na kun n chye. Sa wa rit ngu shaga ai hpan gaw n rai. Apprenticeship!

Nga chyu hte lagat jahku lwi ai mungdan kaw gaw n nga tim, lagat zawn amu law taw ang ai Jinghpaw lagat mung Beijing kaw na hkap tau ai nga na gaw hpahka pyi n jaw lu ai. Mye re mat mat ai.

Mahkawn ni madat let, hkahku de shingran taw ai gara kaw na re ai n chye ai myit su (snr) myit n su wa hpe mung n mu ai na sai. Ihteng ni hpe mung adum u oi... Hkri tawng ni hte kabung dum nga ai kun Tsa Awng e....

Labau a lam hpe tsun dan ai. Ngai shata mi jan ting lam hkawm let du gawan da ga ai, Hugawng Pa.
Marit dik ai oi... Shingran dik ai oi ... Sai daw sai chyen ni e ...

Sa myitru lawm na ngu yang she ... nta chyinghka galoi mung pat da ai Simsa Brang wa mung ... kawk kawk kawk!!! chyinghka hpaw, sumtsaw jep dap na lithkam ni du ai.

Shi a hkrunlam hpe matut manoi madun mat wa na MPA mung ma kasha ni hpe grai tsawra chye ai nga shiga na ai. Anhte brang brang ni hpe gaw taw???

Amu kyin taw ai majaw Cape Town na sumla ni mara ya rit ngu ai pyi n lu mara ya shi ai, mau hpa Africa mungdan kaw na Zaiwa Zami. Rawt nu. Blog ka nu. Na a aten du ra ai.

Hkausoi wa mi n jaw sha tim, ndai shara de ma shani shagu ram sa du ai. Jinghpaw shiga, Jinghpaw daini Amerika, Bumsumshi hkanu latsa din rai tim ...

Blog ma n ka shi tim, myi dam na rai rai, kam ti na rai rai, sa gawan ai ni yawng hpe mung chyeju kaba sai. Hkau Shanglawt shadu da ai nga kapung sha nna she madu a nta de wa ga. Nga kapung gaw shi nta kaw jaw sha nga ai. Nbwisam $ n lu ayai shi na Beer n daw dat sai yaw ...

Ra rawng ai ni nga yang ma Nbwisam a mara rai sai.

Ngwi Pyaw Nga U Ga.

6 comments:

Apprenticeship said...

Apprenticeship gaw Marip kasha re lo... Nbwisam gaw? Ya na zawn sha chye ga ni hpe laika hti nu, wa, ka hpu, kanau ni hpang de sa ya ai grai chye ju gaba sai yaw.. Ngwi pyaw nga u ga. :D :P :)

NBWISAM said...

Nbwisam gaw Nbwi kasha re. Labang amyu re. Jasen Labang re.

Laika sa hti ai majaw grai chyeju kaba sai yaw ...

Ngwi Pyaw Nga U Ga.

လားရိႈးသူ said...

Lahpai kasha re. Kara hku daw an ai gaw she shachyen la nu yaw.

NBWISAM said...

Nbwisam a kawoi dwi gaw Zi Lahpai re. Moi kaw na Lahpai ni hpe mayu ngu shaga ai re.

Marip ni hpe gaw Mayu ma, Dauma (Dama) ma shaga ai.

Nu gaw Nshang ran (Nshang Maran) re.

Shanghtin said...

hug hug...mayu..loi sharai nashe hpang na re, loi kadung ai hku law yaw, marip hte labang gaw mayu hku rai na nhten, Lahpai ni hpe chyawm kalang lang gahpu ganau hku shaga ai,shara hta hkang na loi shai sam ai law, :) ..mying gaw n tsung na sai law,loi hkring ngai hpe mung tsawm shayi bai shadu taw na ma ai, :) Dai hku shachyen shaga ai gaw na chying wa kaja la nga ai, rai tim ngai mung Hpa hta mung tang du hkra n chye re na she yak si nga ai, Gahpu ganau hte sai grai ngyi ai ni hte sha n mai la hkat ai ram sha chye ai law,shara kaba (yahpang de bying wa na ) nbwiwa hpe she up sai naw shachyen dat ya nu, Nga shara kutkai sammung re,Bumsumshi Nga ai share le, n du ga ai ni loi tsung dan dat sai yaw :) Bum nau law na hka (water) grai yak ai law :) hka yak jang gaw hka n chye shing na re hkum shadu, (kashung ta byi hkyen(snow) ja na hka shing ai re :) ) grai law si wa sai kaja ai lam chyu chyu.hehe... naw hkring na sai law..nbwi wa mi ju si wa na ra ai :) :D :P :)

NBWISAM said...

Hkau Shanghtin wa gaw mayu ngu na ga hpaw wa ai i?

Anhte mung Tangbau ni hpe gaw ... ha ha ha .. re lu ...

Kutkai kaw na ni hka n shing ai lam ya chye sai. ha ha ...

Hkyen hte shin ai wa i? Naw she sa yu na re .. :P

Grai chyeju kaba sai. Comment jaw da ai yawng hpe ..