21 July, 2009

Anhte Chyum jawngma ni a Salum hta hpring tup rawng ai.

22 July 2009

Nawng Nang Chyum jawng hta Sara Zau Gun hte jahta byin ai. Ngai gaw tsun ai. Ya Myitkyina hkan na Ramma ni gaw Chyum jawngma ni hpe mu ai ningmu grai shai mat sai.

Ga shadawn; Myen ga grai shaga ai. Jinghpaw shada raitim, myen hku matut mahkai ai. Lama myen, sam ni hte matut mahkai ai rai jang gaw amyu mi! Ya gaw tinang Jinghpaw shada da tim Myen hku grai shaga ai.

MP3 headset shakap, kara hpe mu achye hkrang galaw, All Star din, Sengke hpe shapyen rai jang Chyum jawngma re ngu masat wa ma ai.

Anhte Myitkyina na Ramma ni myit tsang wa ai.

Moi na Core Value ni mat wa sa na kun? Ndai Chyum jawng gaw grai ahkyak ai majaw du na ban prat hta gara hku she lam woi ningshawng hkyen nga ai kun? Gaw rai na kun? Re gaw re kun? Kun? Kun? ni grai law wa ai.

Sara Gun gaw tsun ai. Anhte a Salum hta gaw hpring tup rawng nga ga ai da. Dai ga hte pyi gaw grai myit n-gun lu la sai re. Chyum jawngma ni a salum hta hpring n hpring gaw jawng ngut jang hpa galaw ai hta grau dan dawng wa na re ngu kam ai.

Ah Ze a mahkawn hpe myit dum nga ai. "Pyen hkawm ra sai ... singkaw mung hkum sai ... .... ... Pyen sa na yaw ... tsawra ai manang ni e ... ... ... "

Pyen u law ... Langji u e, Jinghpaw wunpawng amyu sha ni e ...

Nawng Nang Chyum College kaw na Jinghpaw Wunpawng Mungdan ting hpe hpaji lam hta nhtoi tai ya lu ai Dakkasu kaba byin tai wa u ga. Karai e, shaman ya rit. Hpaji n chye ai, matsan ai Jinghpaw ni hpe lam woi rit.

3 comments:

လားရိႈးသူ said...

Thanks for this post. I felt that long time ago since I was there. Grai myit n pyaw ai law. KK a myi man tau na garum nga ai grai da num a a lu ni hpe chye na ai,myit sawn ya ai ni rai wa mu ga she kyu jawm hpyi ga law.

gunlat said...
This comment has been removed by the author.
gunlat said...

Hkau tsun ai zawn...ngai NN chyum jawng ma langai hpe...'NN chyum jawng gaw jinghpaw mungkan kaw grai ahkat ai i....NN kaw na yu ai ni law malawng gaw Buga de bai wa up nawng ai ni re majaw...NN kaw na atsawm train galaw jang hkrat ai' ngu bawng ban ga ai..dai hku tsun ai shaloi ...shi gaw 'NN chyum jawng ma ni hpe dai ram hkum myit mada ...Buga kaw na ni NN jawng ma ni hpe grai myit mada ai gaw shut ai' nga na ngai hpe bai htai ga ai ...dai ga hpe na na ngai pi grai mau kau ai ..ya anhte prat na chyum jawng ma ni gara hku rai wa sa kun ngu grai myit tsang mat ai..