07 July, 2009

Machyi ai, jahkru ai.

7 July 2009

Lai wa sai bat manga ya kaw na machyi mat ai wa, daini she loi zeng wa ai. Raitim, jahkru ai gaw atsawm n mai shi nga ai.

Ndai laman Myitkyina hta marang grai htu ai. Mali hka mung grai tung wa ai.

Buga kaw na jaw taw ai Mali wan jak myi hprap wan mung jahkring hkring hten ai. Wan n lu jang bungli mung n byin. Myit ru ai.

Ndai laman internet mung n lu lang ai majaw, myi pat, na pat da ai zawn she rai sai. Nta kaw internet access lu jang kade wa hkrak na ta? AIT jawng kaw na zawn 1GB ram nga ai speed hte rai jang le. Wa Karai e, anhte Jinghpaw ni a matu internet speed lawan ai hpan lawan lu lang u ga law.

Hkum n pyaw ai laman hta myit sawn sumru byin ai lam grai law ai. N-gun n nga ai majaw, Kanu hte kanau ni galaw jaw ai sha hkam la ra ai. Madu hkum madu grai ja dum tim, masha ngu ai gaw aten tup n lu ja nga ai.

N ngut kre shi ai bungli ni hpe mung aten lu ai shaloi atsawm n lu galaw wa ai hpe bai dum shingran let myit malai lu nga ai,.

Poi daw mung tat kau sai. N lu rawt ai majaw. Nau jahkru na ga mung n mai shaga ai.

Raitim le, ya gaw Karai a shaman chyeju majaw n-gun nnan hte bai hkawm sa lu sa ga ai.

1 comments:

zila said...

gara hku machyi mai sai nre i...machyi mai na matu kyu hpyi ya nga ai yaw....na laika ni grai hkrat ai le...nang laika grai chyeka nga ai i....ngwi pyaw nga let lam shagu awng dang u ga..